Բանից պարզվում է՝ արտգործնախարար Էդվարդ Նալբանդյանը հիմա էլ գտնվում է Գվատեմալայում, որտեղ ուղեւորվել է Մեքսիկայից:

«ՉԻ» - Հայ-գվատեմալական հարաբերությունները մեզ համար հատկապես կարեւորագույն ռազմավարական նշանակություն ունեն, եւ այս առումով Էդվարդ Նալբանդյանի այցը կարելի է նույնիսկ ուշացած համարել: 

Բայց ուրիշ ելք չկա. Հայաստանի իրականացրած նախաձեռնողական արտաքին քաղաքականությունը թույլ չի տալիս ինտենսիվացնել նման կարգի այցելությունների հաճախականությունը: Պրն Նալբանդյանի աշխատանքային գրաֆիկն այնքան հագեցած է, որ հայտնի չէ նույնիսկ՝ կհասցնի՞ մասնակցել Բուրկինաֆասոյում տեղի ունենալիք Կոկոսաբույծների միջազգային ասոցիացիայի (ԿՄԱ) ֆորումին:

Բայց Պոլինեզիա անպայման պետք է մեկնի: Ժամանակն է, որ Հարավխաղաղօվկիանոսյան բապտիստների միավորմանը պատշաճ ներկայացվեն ղարաբաղյան հարցում հայկական կողմի դիրքորոշումները:

Ի դեպ, եթե Էդվարդ Նալբանդյանն այս ուղեւորությունների ժամանակ իր հետ տաներ նաեւ Տիգրան Սարգսյանին, Հայաստանի տնտեսությունը կարգին օգուտներ կստանար: