Տիգրան Սարգսյանը հայտարարել է, թե Հայաստանը որակյալ աշխատուժի կարիք ունի, Երեւանի քաղաքապետ Տարոն Մարգարյանն էլ տեղեկացրել է, որ մայրաքաղաքում այսօր ավտոբուսի վարորդի 300 թափուր տեղ կա՝ 80 հազար դրամ աշխատավարձով:

«ՉԻ» - Տարոն Մարգարյանը երեւի լավ չի հասկանում, թե ինչ է նշանակում «աշխատատեղ»: Դա այն է, երբ մարդն ամեն օր գնում է աշխատանքի եւ դրա դիմաց ստանում այնքան գումար, որով ինքն ու իր ընտանիքը կարող են գոյատեւել: 80 հազար դրամով գոյատեւել հնարավոր չէ, հետեւաբար՝ այդ 300 թափուր տեղերն աշխատատեղ չեն:

Նույն  հաջողությամբ Տարոն Մարգարյանը կարող էր հայտարարություն տալ որեւէ թերթում. «Պահանջվում են 300 ստրուկներ՝ էշի պես աշխատելու համար: Ախպեր, մեկ ա պարապ եք, գոնե պապիրոսի փողը կհանեք»:

Ի դեպ, հետաքրքիր է՝ Տարոն Մարգարյանն ինքը կհամաձայնե՞ր 80 հազար դրամով ավտոբուս քշել: Տիգրան Սարգսյանի մասին չենք հարցնում. նա հաստատ «տակ կտար», նրա քշած ավտոբուսը ոչ ոք չէր նստի: Կամ էլ նստելուն պես կասեին՝ «վարպետ, ստե պահի իջնենք»: Հայաստանի բնակչությունը, ի դեպ, ճիշտ այդպես էլ վարվում է: