![](/static/articles/02/00/01/l-aTh5isECQP.jpg)
«Ժողովուրդ». ապօրինի վճիռներ կայացրած դատավորները շարունակում են աշխատավարձ ստանալ առանց պահումների
Կառավարությունը սկսում է վճարել Մարդու իրավունքների եվրոպական դատարանի վճռի համաձայն նշանակված տուգանքները։ Գործադիրի առաջիկա նիստի օրակարգում ընդգրկված է ՀՀ արդարադատության նախարարությանը գումար հատկացնելու որոշման նախագիծը։ Ըստ այդմ՝ ի կատարումն «Մուրադխանյանն ընդդեմ Հայաստանի», «Պողոսյանը և Բաղդասարյանն ընդդեմ Հայաստանի», «Մալխասյանն ընդդեմ Հայաստանի», «Փիրուզյանն ընդդեմ Հայաստանի» գործերով վճիռների՝ այս տարվա 4-րդ եռամսյակում պետք է 49 հազար 288 եվրոյին համապատասխան դրամ տրամադրել։
Այդ գումարները պետք է տրվեն կառավարության պահուստային ֆոնդից՝ «Կառավարման մարմինների գործողության հետևանքով առաջացած վնասվածքների կամ վնասների վերականգնում» հոդվածի համաձայն։ Իսկ ապօրինի վճիռներ կայացրած դատավորները շարունակում են ստանալ իրենց աշխատավարձերն առանց պահումների։
Մեկնաբանել