Հոկտեմբերի 29-ին` ժամը 17.05-ին, տեղեկություն է ստացվել, որ Երևանի Տիգրան Մեծի պողոտայի 4-րդ շենքի մոտ` փոսի մեջ, մարդ է ընկել:

Դեպքի վայր են մեկնել հատուկ փրկարարական ջոկատի հերթապահ և ՃԿԿ արձագանքման խմբերը:

ՀՀ ԱԻՆ-ն տեղեկացնում է, որ փրկարարները շենքի նկուղից դուրս են բերել 1970 թ. ծնված Ռուբեն Բաբայանին: Վերջինիս շտապօգ­նութ­յան աշխատակիցները տեղափոխել են «Սուրբ Գրիգոր Լուսավորիչ» բժշկական կենտրոն:

Ըստ բժիշկների` տուժածի առողջական վիճակը բավարար է: