Երեկ Վրաստանում Հայաստանի դեսպանատանը տեղի է ունեցել հանդիպում նորանշանակ դեսպան Հովհաննես Մանուկյանի և Սամցխե-Ջավախքի ու Աջարիայի հայկական լրատվամիջոցների ներկայացուցիչների միջև:

Հովհաննես Մանուկյանի հետ հանդիպմանը ներկա են եղել Ախալքալաքի «ATV 12» հեռուստաընկերության տնօրեն Կարապետ Մելքոնյանը, Բաթումի հայկական ամսագրի գլխավոր խմբագիր Արթուր Օգանեսյանը, «Ախալցխայի վերածնունդ» կայքի գլխավոր խմբագիր Էդուարդ Այվազյանը, ինչպես նաև Նինոծմինդայի «Արշալույս» ամսաթերթի գլխավոր խմբագիրը:

Ինչպես հայտնում է «Ախալցխայի վերածնունդ» կայքը, հանդիպման ընթացքում քննարկվել են Վրաստանում հայկական մամուլին առնչվող մի շարք հարցեր: Ավարտին ՀՀ դեսպանատան աշխատակիցները լրատվամիջոցների ներկայացուցիչներին փոխանցեցել են Սփյուռքի նախարարության օժանդակությամբ ՀՀ կառավարության կողմից հայկական լրատվամիջոցներին հատկացրած նյութական աջակցությունը: