«Չիլինգարյան Դիզայն Քնսթրաքշն» ՍՊԸ-ն, որը կառուցում էր հոկտեմբերի 25-ին Խանջյան 20 հասցեի կիսափլուզված շենքը, Երեւանի կենտրոնում կառուցում է նաեւ Ամենայն Հայոց կաթողիկոսի երեւանյան նստավայրը եւ Սուրբ Աննա եկեղեցին:

Այս տեղեկությունը վերոնշյալ ՍՊԸ-ի պաշտոնական կայքում էր տեղադրված: Թերթի թղթակիցն այս ընկերության բաժնետեր Գարիկ Չիլինգարյանից երեկ հետաքրքրվել է՝ արդյոք եկեղեցին կառուցելու ընթացքում փլուզումներ հնարավո՞ր են, եւ ընդհանրապես՝ այդ ինչպե՞ս է ստացվում, որ զվարճանքների կենտրոն կառուցող ընկերությունը նաեւ եկեղեցի է կառուցում: Այս հարցին Գարիկ Չիլինգարյանը չի պատասխանել: «Ինչ ուզում եք արեք, ինչ ուզում եք գրեք»,- ասել է նա եւ անջատել հեռախոսը: Թերթը նշում է, որ օրեր առաջ տեղի ունեցած հայտնի փլուզման հետեւանքով տուժած շինարարներից մեկի վիճակը շարունակում է ծանր մնալ: