Գնացքը բախվել է ավտոմեքենային. կա զոհ
Հոկտեմբերի 30-ին՝ ժամը 13.15-ին, ահազանգ է ստացվել, որ Արագածոտնի մարզի Արտենի գյուղում` Գյումրի-Մասիս ե/գ և Թալին-Արմավիր ավտոճանապարհի հատման կետում, դեռևս չպարզված հանգամանքներում, բեռնատար գնացքը բախվել է «Օպել» մակնիշի ավտոմեքենային, կան տուժածներ:
Դեպքի վայր է մեկնել երկու մարտական հաշվարկ:
Պարզվել է, որ թիվ 1201 բեռնատար գնացքը բախվել է «Օպել» մակնիշի 30 ՏՏ 375 պ/հ ավտոմեքենային, ինչի հետևանքով ավտոմեքենայի ուղևոր` 1968 թ. ծնված Նունե Թադևոսյանը տեղափոխվել է Արտենի գյուղի ամբուլատոր բաժանմունք, որտեղ մահացել է: Վարորդ` 1968 թ. ծնված Մնացական Թորոսյանը, ուղևորներ` 1968 թ. ծնված Մարինե Ավետիսյանը, 1961 թ. ծնված Ժիրայր և 1961 թ. ծնված Զարուհի Եսայանները տարբեր աստիճանի մարմնական վնասվածքներով տեղափոխվել են Արմավիր քաղաքի բժշկական կենտրոն: Մ. Թորոսյանը, ստանալով համապատասխան բուժօգնություն, դուրս է գրվել, իսկ մյուս տուժածների առողջական վիճակը բժիշկների կողմից գնահատվել է միջին ծանրության:
Մեկնաբանել