«Հարսնաքարի» գործով տուժողները երեկվա դատավարության ժամանակ մանրամասն ներկայացրին այդ օրվա իրադարձությունները, թե ինչպես են ԱԺ նախկին պատգամավոր Ռուբեն Հայրապետյանի՝ Նեմեց Ռուբոյի թիկնապահները անմարդկային ձևով ծեծի ենթարկել ռազմական բժիշկներին:

Ավելին, դատավարության ժամանակ բացահայտվեց, որ նախաքննական մարմինը, ըստ էության, կոծկել է հանցագործությունը. տուժողներից Արտակ Բայադյանը ցուցմունք տվեց, որ իրենց ծեծողները եղել են 15-20 հոգի, այնինչ այսօր մեղադրյալի աթոռին նստած է ընդամենը վեց հոգի:

Բացի դրանից՝ ըստ նրա՝ դեռ ռեստորանի դահլիճում տեղի ունեցած միջադեպին ակտիվ մասնակցություն է ունեցել ճաղատ գլխով, կարճահասակ, գեր մի տղա, որը, սակայն, այդպես էլ չկա ամբաստանյալների ցուցակում, ոչ էլ հարցաքննվել է որպես վկա:

Միայն այս փաստերը, թերևս, բավարար են պնդելու, որ իրավապահներն արել են ամեն ինչ Հայրապետյանի հարազատներին գործից չոր դուրս բերելու համար: