Հոկտեմբերի 31-ին ոստիկանության Գուգարքի բաժնի ծառայողները շրջագայություն կատարելիս Վահագնաձոր գյուղի հարակից անտառամերձ տարածքում ստուգման են ենթարկել 1992 թ. ծնված Գուրգեն Ղ.-ի «ՈւԱԶ-469» մակնիշի ավտոմեքենան՝ բեռնված շուրջ 1,2 խմ փայտանյութով:

Գուրգեն Ղ.-ն համապատասխան փաստաթուղթ չի ներկայացրել փայտանյութի վերաբերյալ և հայտարարել է, որ նույն օրը փայտանյութը պատրաստել է ինքը՝ Վահագնաձոր գյուղի հարակից անտառում բենզասղոցով ապօրինի հատելով 1 թխկի և 1 կաղնենու 2 ճյուղ:

Պատճառված վնասի չափը պարզվում է: Փայտանյութով բեռնված ավտոմեքենան Գուրգեն Ղ.-ի հետ միասին բերման է ենթարկվել բաժին: Նշանակվել է մասնագիտական ստուգում:

Ոստիկանությունը տեղեկացնում է, որ կատարվում է հետաքննություն: