Վերջին 20 տարում Հայաստանից սկիզբ առած արտագաղթը օտարերկրյա պետությունների հետ նոր իրավահարաբերություններ կարգավորելու անհրաժեշտություն առաջացրեց:

Օտարերկրյա պետությունների դատական ակտերը կարող են ճանաչվել Հայաստանի Հանրապետության տարածքում միայն համապատասխան պետության հետ երկկողմ կամ բազմակողմ միջազգային պայմանագրերի առկայության դեպքում: Առնվազն ՀՀ-ի եւ ԱՄՆ-ի միջեւ, որտեղ վերջին տարիներին մինչեւ 1 մլն հայաստանցի է բնակություն հաստատել, խնդրո առարկան կարգավորող պայմանագիր չի կնքվել, հետեւաբար, ԱՄՆ դատարանների կայացրած դատական ակտերը ՀՀ տարածքում չեն կարող ճանաչվել:

Երկու պետությունները այս հարցում փոխադարձաբար մեղադրում են միմյանց, իսկ իրավաբանական շրջանակը իրավական փոխօգնության պայմանագրեր չկնքելու պատճառ է համարում նաեւ աղմկահարույց քրեական գործերից հայաստանցի որոշ բարձրաստիճան պաշտոնյաների այդ կերպ զերծ պահելը: Արդյունքում, անպաշտպան են այն քաղաքացիները, ովքեր նման պայմանագրերի բացակայության պայմաններում չեն կարող պաշտպանել իրենց իրավուքները:

««Հետքի» սրահում» թեմայի շուրջ քննարկմանը մասնակցում են միջազային իրավունքի մասնագետ Արա Ղազարյանը եւ ՀՀ արդարադատության նախարարության դատական հանձնարարությունների բաժնի պետ Արմենուհի Հարությունյանը: