Հոկտեմբերի 29-30-ը ԱԺ նախագահ Հովիկ Աբրահամյանի գլխավորած պատվիրակությունը պաշտոնական այցով Չեխիայի Հանրապետությունում էր: Հայաստան վերադառնալիս, երբ  Հովիկ Աբրահամյանն ու պատվիրակության այլ պատգամավորներ ինքնաթիռում զբաղեցրել են իրենց տեղերը, ինքնաթիռի սրահ է մտել ՀՀ երկրորդ նախագահ Ռոբերտ Քոչարյանը:

ԱԺ նախագահի կողքին նստած պատգամավոր Արտակ Զաքարյանը, հարգելով երկրորդ նախագահին, զիջել է իր տեղը եւ նա նստել է Հովիկ Աբրահամյանի կողքին: Այս մասին ԱԺ-ում հրավիրած մամուլի ասուլիսի ժամանակ պատմեց ԱԺ նախագահը:

«Այո, մենք վերադարձել ենք նույն ինքնաթիռով: Դե, ինքնաթիռում նստում են, չեն կանգնում, նստած էինք, ներս մտավ պարոն Քոչարյանը, Ատակ Զաքարյանը զիջեց իր տեղը, եւ Ռոբերտ Քոչարյանը նստեց իմ կողքին: Խոսել ենք Չեխիայի այցի մասին եւ քաղաքական հարց չի քննարկվել»,-ասաց Հովիկ Աբրահամյանը:

Հարցին, թե Ռոբերտ Քոչարյանի հետ հանդիպման պայմանավորվածություն եղե՞լ է, թե՞ ոչ, Հովիկ Աբրահամյանը հետեւյալ պատասխանը տվեց. «Որեւէ պայմանավորվածություն չի եղել: Կարծում եմ՝ լավ ձեւաչափ էլ չէ ինքնաթիռում պայմանավորվել ու հանդիպելը»: