Գյումրիի նորընտիր քաղաքապետ Սամվել Բալասանյանն այսօր հանդիպեց ծնունդով Շիրակի մարզից Աժ 5 պատգամավորների հետ: «Թեպետ նրանք 11-ն են, եթե Մհեր Շահգելդյանի հայրական կողմն էլ հաշվենք, կլինեն 12-ը,-կատակեց Սամվել Բալասանյանը,-բավական լավ մի թիմ է, մեծ ներուժ եւ ես ուզում եմ, որ նրանց հետ լինի կայուն համագործակցություն: Վստահ եմ, որ դրանից կշահի թե քաղաքը, թե մարզը»:

Քաղաքի խնդիրները համատեղ լուծելու նպատակով Սամվել Բալասանյանն առաջարկեց ներկաներին ստեղծել ապաքաղաքականացված պատգամավորների խորհուրդ, որի հիմնական նպատակն է լինելու համայնքին աջակցելը` առաջնային խնդիրների լուծման հարցում: Աժ պատգամավոր Սամվել Նիկոյանը ողջունեց նախաձեռնությունը` հույս հայտնելով, որ այն կկրի լուրջ բնույթ: Պ. Նիկոյանը նշեց, որ նոր ձեւավորվող խորհրդի համար թիվ մեկ խնդիրը լինելու է Գյումրիում նոր աշխատատեղերի ստեղծումը: