Նոյեմբերի 4-ին մի քաղաքացուց ոստիկանության Երևան քաղաքի վարչության հերթապահ մաս ահազանգ է ստացվել, որ նոյեմբերի 3-ին Բաբաջանյան փողոցի թիվ 55/1 շենքի բակում վիճաբանության ժամանակ երթուղային տաքսիներից մեկի տնօրենը ու կարգավարը հարվածել են իրեն և մարմնի տարբեր մասերում պատճառել վնասվածքներ: Նշանակվել է դատաբժշկական փորձաքննություն:

«Նոյեմբերի 4-ին հիշյալ երթուղու տնօրենը և կարգավարը բերման են ենթարկվել ոստիկանության Մալաթիայի բաժին: Հանգամանքները պարզվում են: Կատարվում է հետաքննություն»,- հայտնում է ոստիկանությունը: