Նոյեմբերի 5-ին ոստիկանության Չարենցավանի բաժին է ներկայացել 53-ամյա մի տղամարդ և կամավոր հանձնել 5,45 մմ տրամաչափի՝ 120, 7,62 մմ տրամաչափի՝ 75 և 12,7 մմ տրամաչափի 6 փամփուշտ և նռնակի 2 պայթուցիչ:

Տղամարդը հայտնել է, որ զինամթերքն իր հետ բերել է 1992 թ. Արցախի պաշտպանական մարտերին մասնակցելուց հետո, սակայն մոռացել էր այդ մասին և դրանք հայտնաբերել է օրերս հացատունը վերանորոգելիս:

«Ներկայացվածն ուղարկվել է փորձաքննության: Կատարվում է հետաքննություն»,- հայտնում է ոստիկանությունը: