Նոյեմբերի 3-ին Տավուշի մարզում` Իջևանից 3-4 կմ հեռավորության վրա գտնվող «Խոլարգել» կոչվող հանդամասում տեղի է ունեցել 2 խոշոր եղջերավոր անասունի անկման դեպք:

Սննդի անվտանգության տեսչության և փորձագիտական կենտրոնի աշխատակիցների կողմից կատարվել են անասունների այրում և թաղում, իսկ հանդամասում՝ ախտահանման աշխատանքներ:

Նոյեմբերի 6-ին փորձաքննության արդյունքում պարզվել է, որ անկման պատճառ է հանդիսացել «սիբիրախտ» հիվանդությունը:

Դեպքի մասին տեղյակ են պահվել գյուղատնտեսության նախարարության աշխատակիցները:

Լուս.` Հ. Հովհաննիսյանի