Նոյեմբերի 6-ին՝ ժամը 15.15-ից 21.00-ի սահմաններում, բոտուլիզմից թունավորման նախանշաններով Շիրակի մարզի Գյումրիի ինֆեկցիոն հիվանդանոց են տեղափոխվել նույն քաղաքի Ա. Խաչատրյան  25 շենքի 16-րդ բնակարանի բնակչուհի, 1982 թ. ծնված Աստղիկ Արմենակյանը, Արափի գյուղի բնակչուհի, 1995 թ. ծնված Ջեմմա Իսահակյանը և Հայկավան գյուղի բնակիչ, 1963 թ. ծնված Հովիկ Քալաշյանը:

Ըստ բժիշկների Հ. Քալաշյանի առողջական վիճակը միջին ծանրության է, Ջ. Իսահակյանը, տեղափոխվել է Գյումրու մանկական հիվանդանոց, և առողջական վիճակը  բավարար է, իսկ Ա. Արմենակյանը տեղափոխվել է Երևանի «Արմենիա» բժշկական կենտրոն: Բժիշկների գնահատմամբ` վերջինիս առողջական վիճակը ծայրահեղ ծանր է: