Կրթության ազգային ինստիտուտի փոխտնօրեն, նախկին պատգամավոր Անահիտ Բախշյանը Ֆեյսբուքի իր էջում գրել է. «Խարդախությունների մասին խոսելն էլ ՀՀ նախագահի մենաշնո՞րհն է։

Ուրեմն ՀՀ նախագահի ականջին հուշում եմ, որ դատախազության պաշտոնյաների հետ իր հանդիպումից կարծես թե ոչինչ չի փոխվել, որովհետև հոկտեմբերի 31-ին ես լրատվությամբ հաղորդում եմ տվել հանցագործության մասին, սակայն մինչ օրս ոչ դատախազությունից, ոչ՝ ոստիկանությունից որևէ մեկը չի հետաքրքրվել այդ նյութով: Իհարկե, այս հաղորդման մեջ խոսքը չի գնում միլիարդ դրամներով «ատկատներ»-ի մասին, այլ՝ միլիոնների, բայց փաստն այն է, որ ակնհայտ է դառնում պետական այրերի կողմից հովանավորչության երևույթը, ովքեր պարտակում, թաքցնում են դպրոցներում կատարվող պետական բյուջեն մսխելու վերաբերյալ փաստերը»։