Տեսանյութեր
Լուսանկարներ
Balloon Fiesta և երազանքների իրականացում
Հայաստանի երիտասարդական հիմնադրամն այսօր Հյուսիսային պողոտայում անցկացրել է «Բալուն ֆիեստա» (Balloon Fiesta)՝ «Փուչիկների ֆիեստա» ծրագիրը, որին մասնակցել են բազմաթիվ երիտասարդների մայրաքաղաքից և մարզերից։
Միջոցառման մասնակիցները երկինք բաց են թողել գունավոր փուչիկներ՝ դրանց վրա գրելով իրենց ամենանվիրական երազանքները։ Միջոցառումն ուղեկցվել է համերգային ծրագրով։ Իրենց կատարումներով հանդես են եկել պետական և ոչ պետական բուհերի շնորհալի ուսանողներ։ Անցկացվել են տարաբնույթ մրցույթներ, որոնց հաղթողները պարգևատրվել են։
Ծրագիրն ամենամյա է, և ինչպես նշել է Հայաստանի երիտասարդական հիմնադրամի հոգաբարձուների խորհրդի համակարգող, ԱԺ պատգամավոր Կարեն Ավագյանը, միջոցառման նպատակն է համախմբել Երևանի և մարզերի երիտասարդներին։
«Բալուն ֆիեստաներ անցկացվում են ամբողջ աշխարհում։ Նման միջոցառումները նաև հնարավորություն են ընձեռում երիտասարդներին ավելի հետաքրքիր ու բովանդակալի անցկացնել իրենց ազատ ժամանցը»,- հիմնադրամի մամլո ծառայության փոխանցմամբ՝ նշել է Կ. Ավագյանը։
Մեկնաբանել