Պաշտոնական տվյալներով Հայաստանում շաքարային դիաբետ հիվանդությամբ ախտորոշված են մոտ 400 երեխա:

Նոյեմբերի 14-ին՝ շաքարախտի դեմ պայքարի միջազային օրը, «Երազ» բարեգործական հիմնադրամը, համագործակցելով «Մուրացան» հիվանդանոցային համալիրի էնդոկրինոլոգիական կլինիկայի, «Վորլդ վիժն Հայաստանի», «Հայ ասպետ» հիմնադրամի, «Հայ եմ» երիտասարդական դաշինքի և Քաղաքացիական հասարակության համագործակցության ցանցի հետ, նախաձեռնել է միջոցառումների շարք՝ ուղղված մանկական դիաբետին հարող հարցերով հանրության իրազեկմանը և տեղեկացվածության մակարդակի բարձրացմանը:

Երևանի 15 ավագ դպրոցներում և Ապարանում միաժամանակ մեկնարկեն «Դիաբետի դպրոց» հակիրճ դասընթացները: Նպատակն է օգնել դիաբետիկ երեխաներին իրենց զգալ հասարակության լիարժեք մաս և խուսափել հիվանդությամբ պայմանավորված բարդույթներից:

Միջոցառումների շարքը կեզրափակի «Վորլդ վիժն միջազգայինի» «Երեխայի առողջությունն առաջնային է» քարոզարշավի շրջանակներում «Շաքարային դիաբետը ապրելակերպ է» ֆլեշ-մոբ միջոցառումը:

«Վորլդ վիժն Հայաստանի» քարոզարշավն ու Մոր և մանկան առողջության դաշինքը, միանալով մանկական դիաբետի դեմ պայքարող իր մյուս գործընկեր կազմակերպություններին, կհորդորեն բոլորին վեր բարձրացնել ձեռքերը՝ որպես քարոզչություն և աջակցություն դիաբետի բարդությունների և մանկական մահացության կանխարգելմանը:

Ավելի քան 30 դպրոցական «Վորլդ վիժն Հայաստանի» տարածաշրջանային գրասենյակներից կմիանա ակցիային՝ վեր բարձրացնելով ձեռքերը որպես աջակցություն և կոչ քաղաքական գորիչներին ստեղծել որակյալ և մատչելի բուժծառայություններ: Միջոցառումը տեղի կունենա Հյուսիսային պողոտայում ժ. 15:30: