Երեկ հանրապետությունում՝ Պուշկինի լեռնանցքում, Գորիսում եւ Քաջարանում տեղացել է առաջին ձյունը: Այս մասին թերթին հայտնել է ԱԻՆ Հայպետհիդրոմետի օպերատիվ օդերեւութաբանության կենտրոնի պետ Զարոհի Պետրոսյանը:

Հարցին՝ երբ է սպասվում առաջին ձյունը Երեւանում, նա պատասխանել է, որ դեռեւս հնարավոր չէ կանխատեսել. «Առաջիկա օրերին ձյան տեսքով տեղումներ Երեւանում չեն սպասվում»: Ըստ Հայպետհիդրոմետի՝ առաջիկա օրերին Երեւանում անձրեւի տեսքով տեղումներ նույնպես չեն սպասվում: