«Չորրորդ ինքնիշխանություն». Տավուշի ոստիկանապե՞տն էլ
Ինչպես հայտնի է, օրերս ՀՀ ոստիկանապետ, գեներալ-լեյտենանտ Վլադիմիր Գասպարյանի հրամանով Իջևանի ոստիկանության պետ, գնդապետ Ստեփան Մելքոնյանն ազատվել է աշխատանքից և ուղարկվել կադրերի ռեզերվ: Նա միակը չէ, ով արժանացել է կադրերի տրամադրության տակ հայտնվելու բախտին: Նրա հետ միասին կադրերի տրամադրության տակ են հայտնվել այդ բաժնի մի քանի աշխատակիցներ ևս: Վլադիմիր Գասպարյանը հրապարակային ասել է, թե համակարգում ինքնամաքրման գործընթացները շարունակվում են, և կլինեն մարդիկ, որոնք, կապված ապօրնի անտաահատումների հետ, ազատվելու են աշխատանքից: Այս պահին ընթանում է ծառայողական քննություն:
Թերթի տեղեկություններով` հնարավոր է ապօրինի ծառահատումների թեմայով աշխատանքից ազատվի Տավուշի ոստիկանապետը: Թերթը տեղեկացնում է, որ օրերս ոստիկանությունը հայտնաբերել է 4000 քմ փայտանյութ, ինչն աննախադեպ մեծ քանակություն է:
Շրջանառվող խոսակցությունների համաձայն` ապօրինի ծառահատումների հետևում կանգնած են ոստիկանության բարձրաստիճան աշխատակիցներ, որոնց վրա են, ըստ էության, դրված անտառների վերահսկողության և պահպանման խնդիրները:
Մեկնաբանել