Նոյեմբերի 14-ին` ժամը 20.00-ին, ահազանգ է ստացվել, որ Երևանի Զ. Եսայան 116/3 տան մոտ տեղի է ունեցել գազի արտահոսք՝ բռնկումով:

Դեպքի վայր է մեկնել մեկ մարտական հաշվարկ և ՃԿԿ արձագանքման խումբը:

Տեղում պարզվել է, որ էլեկտրական սյան վրա առաջացած էլեկտրական լարերի կարճ միացումից վնասվել է գազատար խողովակը, տեղի է ունեցել արտահոսք և բռնկում:

Հրդեհը մարվել է ժամը 20.53-ին:

Դեպքի վայր ժամանած գազի վթարային ծառայության աշխատակիցները դադարեցրել են արտահոսքը: Այս մասին հայտնում է ՀՀ ԱԻՆ-ն: