Նախօրեին Վիեննայում ՀՀ դեսպան Արման Կիրակոսյանը մասնակցեց Ավստրիայի մայրաքաղաքում տեղի ունեցած Վիեննայի միջազգային լուսանկարչության մրցանակաբաշխության հանդիսավոր արարողությանը եւ ցուցահանդեսին (VIPA):

Մրցանակաբաշխությանը մասնակցեցին աշխարհի 63 երկիր ներկայացնող լուսանկարիչներ:

Առաջին մրցանակի հաղթող ճանաչվեց իտալուհի լուսանկարիչ Անտոնելլա Մոնցոնին` իր «Վիրավոր Հայաստան» վավերագրական լուսանկարչական շարքով, որը նվիրված է 1915թ. Հայոց ցեղասպանության, 1988թ. Սպիտակի երկրաշարժի եւ Ղարաբաղյան պատերազմի հետեւանքները վերապրած Հայաստանին: Այս մասին հայտնում է ԱԳՆ մամուլի ծառայությունը: