Երեկ ԱԺ Հայ ազգային կոնգրես խմբակցության ներկայացուցիչները ԱԺ քարտուղարություն են փոխանցել նոյեմբերի 21-ին ԱԺ արտահերթ նիստ անցկացնելու մասին ձեւաթուղթը, որի տակ կար 48 ստորագրություն: Բավարար էր համարվում նույնիսկ 44-ը:

Ձեւաթղթի տակ ստորագրել են Կոնգրեսի, ԲՀԿ-ի, Դաշնակցության, «Ժառանգության» եւ «Ազատ դեմոկրատներ»-ի պատգամավորները: Չեն միացել ՀՀԿ-ն, ՕԵԿ-ը եւ անկախ պատգամավոր Էդմոն Մարուքյանը: Վերջինիս Կոնգրեսը եւս դիմել էր, սակայն Մարուքյանը մերժել է: