Հունիսի 17-ին «Հարսնաքարը» պայթեցնելու փորձ արած եւ դրա համար 4-ամսյա ազատազրկման դատապարտված ՊՆ փոխգնդապետ Վարդան Սամվելյանը, որ նոյեմբերի 1-ին ազատ արձակվեց, երեկ թերթի թղթակցին բացատրել է իր արարքի իմաստը:

«Համենայնդեպս, կիմանային, որ հայկական բանակում բոլոր սպաները չէ, որ կանացի հորմոններ են ձեռք բերել»,- ասել է Սամվելյանը: Ըստ նրա՝ ՀՀ Պն-ն համարժեք չարձագանքեց «Հարսնաքարի» դեպքին, որի հետեւանքով մահացավ ռազմաբժիշկ Վահե Ավետյանը, եւ 4-ը հայտնվեցին հիվանդանոցում: Հարցին՝ ինչ պետք է աներ ՊՆ-ն, փոխգնդապետը պատասխանել է. «Էդ դեպքից մի երկու ամիս առաջ, երբ քաղմասում մեկը գեներալի հետ վատ էր խոսացել, մտան սաղ քաղմասը գրավեցին: Թող գնային՝ «Հարսնաքարն» էլ գրավեին»: Սամվելյանը, որն այդ դեպքից պատճառով զրկվել է ՊՆ-ում իր աշխատանքից, իրականում գնացել էր ռազմաբժիշկներին ծեծի ենթարկած թիկնապահներին պատժելու: