«Չորրորդ ինքնիշխանություն». ստվերային շրջանառությունն ավելի մեծ է
Բանից պարզվում է՝ Հայաստանում մեկ դատապարտյալի հաշվով պետական բյուջեից ծախսվում է շուրջ 3 հազար դոլար:
«ՉԻ» - Արդարադատության նախարարի հրապարակած այս թիվը շատերին շոկի մեջ է գցել: Բայց պատճառն ընդամենը այն է, որ թիվը ներկայացվում է «մեկ դատապարտյալի հաշվով», մինչդեռ իրականում այդ գումարը դատապարտյալների հետ ընդհանրապես կապ չունի և նրանց վրա չի ծախսվում:
Ըստ էության, դատապարտյալները հիմնականում իրենք են հոգում իրենց բոլոր ծախսերը (սնունդ, հագուստ և այլն), իսկ այդ գումարով ՔԿՀ-ների աշխատողներն են աշխատավարձ ստանում: Իրականությունն այն է, որ մեկ կալանավորը տարեկան «պետության վրա նստում է» մոտ 3 հազար դոլար, բայց մի այդքան էլ «նստում է» իր ընտանիքի վրա:
Ի դեպ, հարց է ծագում՝ եթե պետությունը դժգոհ է, որ կալանավորները այդքան «թանկ են նստում», ինչո՞ւ չի կրճատում նրանց թիվը՝ թեթև հանցագործություններ կատարածների համար այլ պատիժներ սահմանելով:
Պատճառը երևի այն է, որ կալանավայրերում հսկայական ստվերային շրջանառություն կա, և դրա ծավալն ուղղակիորեն կախված է կալանավորների թվից: Ընդ որում, անկախ նրանից, թե ով ինչ հոդվածով է դատապարտված:
Մեկնաբանել