Նոյեմբերի 22-ին Բրիտանական գրադարանում բացվել է Հայ գրատպության 500-ամյակին և հայ-բրիտանական դիվանագիտական հարաբերությունների հաստատման 20-ամյակին նվիրված ցուցահանդես, որը կշարունակվի մինչև 2013 թ. հունվար:

Ցուցահանդեսում ներկայացված են Բրիտանական գրադարանում առկա հայ մատենագիր և տպագիր գրքերի լավագույն նմուշները:

Ցուցահանդեսի բացմանը մասնակցել է ՀՀ մշակույթի նախարար Հասմիկ Պողոսյանը: Նա Մեծ Բրիտանիա կատարած այցի շրջանակում կհանդիպի Բրիտանական գրադարանի տնօրինության, Հայաստանյաց առաքելական սուրբ եկեղեցու Մեծ Բրիտանիայի և Հյուսիսային Իռլանդիայի Թագավորության թեմի առաջնորդի և բրիտանահայ համայնքի հետ: Այս մասին հայտնում է ՀՀ մշակույթի նախարարությունը: