ՀՀ գլխավոր դատախազի հրամանով ստեղծվում է դատախազների մասնագիտացված խումբ, որը հսկողություն կիրականացնի ընտրախախտումների դեպքերի քննության օրինականության նկատմամբ: Այս մասին ԱՄՆ-ի ժողովրդավարության, մարդու իրավունքների և աշխատանքի հարցերով պետքարտուղարի փոխտեղակալ Թոմաս Մելիային հայտնել է ՀՀ գլխավոր դատախազ Աղվան Հովսեփյանը այսօր տեղի ունեցած հանդիպման ժամանակ:

Անդրադառնալով ընտությունների ընթացքում կատարվող օրինախախտումների դեպքում դատախազության աշխատանքներին` Աղվան Հովսեփյանը նշել է, որ վարվում է դեպքերի հաշվառման առանձին մատյան` հատուկ կնիքով, ստուգման առարկա են դարձվում մամուլում հրապարակվող բոլոր դեպքերը, և քննության արդյունքների մասին իրազեկվում է հանրությանը: Այս մասին հայտնում է ՀՀ գլխավոր դատախազության հանրային կապերի վարչությունը: