Լավատեղյակ աղբյուրներից հայտնի դարձավ, որ բոլորովին վերջերս ՊԵԿ-ը ստուգումներ է սկսել ԲՀԿ նախագահ Գագիկ Ծառուկյանին պատկանող գազալցակայաններում:

Ինչպես հաղորդում են «Ժողովուրդ»-ի աղբյուրները, նախորդ շաբաթ՝ Մոսկվա մեկնելուց առաջ, Սերժ Սարգսյանը հրահանգել է առժամանակ դադարեցնել ստուգումները՝ ասելով, որ հետագա անելիքների, այդ թվում այդ հարցի վերաբերյալ որոշում կլինի իր վերադարձից հետո:

Սակայն ՀՀ-ից նրա բացակայության օրերին Միքայել Մինասյանի անունից ՊԵԿ-ին հրահանգ է իջեցվել շարունակել ստուգումները: Գ.Ծառուկյանն էլ, ըստ «Ժողովուրդ»-ի տեղեկությունների, Ս.Սարգսյանին միանգամից տեղյակ է պահել կատարվածի մասին:

Արդյունքում վերջինս Մոսկվայից զանգահարել է ՊԵԿ նախագահ Գագիկ Խաչատրյանին՝ պահանջելով առժամանակ հանգիստ թողնել ԲՀԿ ղեկավարի «օբյեկտները»: ՊԵԿ լրատվական ծառայությունից, սակայն, հերքեցին այս լուրերը: