Տեսանյութեր
Լուսանկարներ
«Չորրորդ ինքնիշխանություն». ԵՊՀ-ի դասախոսները դժգոհել են
«ՉԻ» տեղեկություններով՝ Երևանի պետական համալսարանում այս օրերին բավականին լարված մթնոլորտ է տիրում: ԵՊՀ որոշ դասախոսներ համալսարանի պատերի ներսում չեն թաքցրել իրենց վրդովմունքը՝ կապված «Հայոց պատմություն» դասագրքի հեղինակ Էդիկ Մինասյանի և այդ գրքի հրատարակության կնքահայր, ԵՊՀ ռեկտոր Արամ Սիմոնյանի՝ պատմությունը կեղծելու և մարտի 1-ի դեպքերը խեղաթյուրված ներկայացնելու փաստի հետ:
Նրանցից շատերը դժգոհել են նաև ԵՊՀ ղեկավարության կեցվածքից, որը հայտարարություն է տարածել, թե թույլ չի տա, որ համալսարանին վարկաբեկեն, և այդպիսի փորձ անողներին կենթարկի բարոյական և իրավական պատասխանատվության:
Մասնավորապես, դասախոսների մի խումբ ասել է, թե պատմությունը կեղծելով ու այդքանից հետո դեռ մի բան էլ փաստը արձանագրած քաղաքացիների նկատմամբ սանկցիաներ կիրառելու կոչերով հանդես գալով՝ ԵՊՀ ղեկավարությունը խաղում է ոչ միայն բուհի հեղինակության, այլ նաև պրոֆեսորադասախոսական անձնակազմի արժանապատվության հետ, որովհետև իրենց այս օրերին հարցադրումներ են անում, թե ինչու որպես մտավորականներ՝ իրենք չեն բողոքում պատմությունը խեղաթյուրողների գործողությունների դեմ:
«ՉԻ» տեղեկություններով՝ Արամ Սիմոնյանը հանձնարարել է իր յուրային դասախոսներին և ուսանողներին առաջիկա օրերին, ի պաշտպանության դասագրքի հեղինակների և բուհի, հանդես գալ հայտարարություններով: Նա ասել է, որ եթե մենք սկսենք «պաշտպանվել», տանուլ կտանք ստեղծված իրավիճակում, դրա համար էլ պետք է ցուցադրել, որ մեր հետևում բանակ կա:
Մեկնաբանություններ (1)
Մեկնաբանել