![](/static/articles/02/10/29/l-qYMYiMvlJp.jpg)
«Հայկական ժամանակ». Սաշիկի որդին վերակենդանացման բաժանմունքում է
Սերժ Սարգսյանի եղբոր՝ Սաշիկի որդին՝ Նարեկ Սարգսյանը, գտնվում է «Նաիրի» բժշկական կենտրոնի վերակենդանացման բաժանմունքում: Այս տեղեկությունը երեկ «ՀԺ» թղթակցին հայտնել են բժշկական կենտրոնի ընդունարանից: Իսկ թե Նարեկ Սարգսյանի կյանքին վտանգ սպառնում է, թե ոչ՝ հիվանդանոցից խուսափել են հայտնել, չեն մանրամասնել նաև վնասվածքների բնույթն ու ծանրության աստիճանը:
Երեկ «ՀԺ»-ն տեղեկացրել էր, որ նախօրեի ուշ երեկոյան Երևանի Պարոնյան փողոցում առանց պետհամարանիշերի «Ռենջ Ռովեր» մակնիշի ավտոմեքենան դուրս է եկել ճանապարհի երթևեկելի գոտուց և բախվել էլեկտրասյանը: Նարեկ Սարգսյա՞նն է եղել մեքենայի ղեկին, թե՞ ոչ՝ առայժմ հստակ չէ:
Ըստ որոշ տեղեկությունների՝ հենց ինքն է եղել ղեկին և մեքենան վարել է շատ մեծ արագությամբ՝ նախապես հանելով պետհամարանիշերը՝ ամենայն հավանականությամբ, արագաչափ սարքերի հնարավոր արձանագրումներից և տուգանքներից խուսափելու նպատակով:
Այս տեղեկությունները երեկ ոստիկանությունից ոչ հաստատել են, ոչ հերքել են: Ընդամենն ասել են, որ վթարի հետ կապված քննություն է իրականացվում, և հանգամանքները պարզվում են:
Մեկնաբանել