Այսօրվա նիստում կառավարությունը քննել է Ազգային ժողովի պատգամավոր Հրանտ Բագրատյանի՝ օրենսդրական նախաձեռնության կարգով ներկայացրած «2013-2017 թթ. գիտության ֆինանսավորման չափերի և կարգի մասին» ՀՀ օրենքի նախագիծը, որով առաջարկվում է շեշտակի ավելացնել ոլորտի ֆինանսավորումը։

«Կառավարությունը դեմ է ներկայացված օրինագծին, քանի որ ՀՀ 2013 թ. պետբյուջեի նախագծով նման հատկացում նախատեսված չէ, և պարզ չէ, թե ինչ միջոցներով է մեծացվելու ֆինանսավորումը»,- հայտնում է կառավարության կայքը։