Տեսանյութեր
Լուսանկարներ
«Չորրորդ ինքնիշխանություն» . գարեջրի սեզոնը եւ ԿԳԲ-ի զգուշացումը
ՀՀԿ փոխնախագահ Ռազմիկ Զոհրաբյանը հայտարարել է, թե իբր «Ղարաբաղ» կոմիտեի ձեւավորման ժամանակ ԿԳԲ-ն իրենց զգուշացրել էր, թե «չփորձեք անգամ մոտենալ հարթակին, դուք այնտեղ տեղ չունեք, սա մեր շարժումն է»։
«ՉԻ» - Շատ ապրի Ռազմիկ Զոհրաբյանը։ Մարդ առնվազն մի 7-8 «բակալ» գարեջուր խմած պիտի լինի՝ հայտարարելու համար, որ ղարաբաղյան շարժումը մեր ազգային զարթոնքն էր, իսկ «Ղարաբաղ» կոմիտեն՝ ԿԳԲ-ի ստեղծածը։ Ստացվում է, որ մեր ազգային զարթոնքը ԿԳԲ-ն է կազմակերպել։
Բայց խնդիրը միայն սա չէ։ Ուշադրություն դարձրեք՝ ազգային զարթոնքի օրերին, փաստորեն, ԿԳԲ-ն ու ԱՄԿ-ի անդամները լավ էլ կոնտակտի մեջ են եղել ու երկխոսել են։ Ավելին՝ ԱՄԿ անդամները, փաստորեն, կատարել են ԿԳԲ-ի հրահանգը, եւ, ինչպես Ռազմիկ Զոհրաբյանն է ասում. «Իհարկե, մենք մեր քաղաքական գործունեությունը շարունակում էինք «Ղարաբաղ» կոմիտեից ու ՀՀՇ-ից առանձին»։
Հետաքրքիր է՝ ԿԳԲ-ի ուրիշ ո՞ր հրահանգներն է կատարել Ռազմիկ Զոհրաբյանը, կամ արդյոք իր քաղաքական գործունեության մեջ մի՞շտ է հետեւել ԿԳԲ-ի հորդորներին։
Մեկնաբանություններ (1)
Մեկնաբանել