![](/static/articles/21/14/l-sMzXEZNM0B.jpg)
«Առավոտ». ճանապարհ տվեք` «Քեթրինի Միհրանն» է անցնում
Երեկ «Առավոտի» թղթակիցն ականատես է եղել, թե ինչպես են ՀՀ արդարադատության նախարարության Դատական ակտերի հարկադիր կատարման ծառայության աշխատակիցները Երեւանի Հալաբյան փողոցում կատարում ճանապարհային ոստիկանության ուղեկցող վաշտի աշխատակցի դերը: ԴԱՀԿ երկու աշխատակից կարմիր դրոշակներով Հալաբյան փողոցի ՀՀ արդարադատության նախարարության եւ ԴԱՀԿ շենքի դիմաց կանգնեցնում էին ավտոմեքենաները:
Պարզվել է, որ ԴԱՀԿ վարչական տարածքից դուրս էր գալիս «Մերսեդես 550» մակնիշի 500 LS 10 համարանիշի ավտոմեքենան, որը սպասարկում է ԴԱՀԿ պետ Միհրան Պողոսյանին` «Քեթրինի Միհրանին»: Նույն շենքում աշխատում է նաեւ արդարադատության նախարար Հրայր Թովմասյանը, որի համար, սակայն, ըստ ականատեսների, Հալաբյան փողոցը կաթվածահար չի լինում:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանություններ (2)
Մեկնաբանել