ՕՔՍՖԱՄ-ը և «Ապավեն համայնքներին» ՀԿ-ն Վայոց ձորի մարզային փրկարարական վարչության և մարզի 4 համայնքի միջնակարգ դպրոցների հետ համագործակցությամբ դեկտեմբերի 4-ից 7-ը կազմակերպում են դպրոցների տարհանման վարժանքների շարք:

Վարժանքների հիմնական նպատակն է ստուգել մշակված տարհանման պլանի իրատեսական լինելը, կատարելագործել դպրոցի ղեկավար կազմի ունակությունները արտակարգ իրավիճակներում աշակերտների և անձնակազմի տարհանումը կազմակերպելու գործում, բարձրացնել դպրոցի աշակերտների և անձնակազմի պատրաստվածությունը տարհանումը կազմակերպված և արագ իրականացնելու համար, հայտնաբերել դպրոցի թույլ կողմերը արտակարգ իրավիճակներում տարհանում կազմակերպելու գործում:

Վարժանքները կտևեն 30 րոպե, որին կհաջորդեն քննարկումներն ու կարծիքների փոխանակումը դպրոցի անձնակազմի, կազմակերպիչների և հյուրերի միջև:

Վայոց ձորի մարզի Արենի համայնքի միջնակարգ դպրոցում դեկտեմբերի 7-ին կայանալիք տարհանման ամփոփիչ վարժանքը կիրականացվի Եվրահանձնաժողովի մարդասիրական օգնության և քաղաքացիական պաշտպանության բաժնի (DIPECHO) և ՕՔՍՖԱՄ-ի կողմից ֆինանսավորվող «Աղետների ռիսկի նվազեցման» ծրագրի շրջանակներում: