Երեկ Արարատի մարզի սահմանամերձ գյուղերից մեկի խմելու եւ կենցաղային օգտագործման ջրի հսկիչը գյուղացիներին զգուշացրել է, թե՝ «ջուր հավաքեք-պահեք, մեկ շաբաթ ջուր չի լինելու: ԱԺ նախագահ Հովիկ Աբրահամյանի հողերն են ջրելու»:

Այն, որ ոռոգման ջրերը հողի համար առավել սննդարար են, քան աղբյուրինը, բոլորին է հայտնի: Սակայն երբ Աբրահամյանի մարդիկ ընտրել են երկրորդ տարբերակը կամ երկուսը միասին, խոսում է այն մասին, որ գյուղնախարարության հեքիաթներին հակառակ` մարզում ոռոգման ջրի խնդիր կա:

Ի դեպ, հսկիչը «մխիթարել» է, թե իրենք մենակ չեն. Հարակից 2 գյուղերը եւս բախտակից են:

Գյուղում, որտեղ գյուղացիներին զգուշացվել է, շաբաթական 2, լավագույն դեպքում 3 անգամ են ջուր տալիս, այն էլ մի քանի ժամով, մինչդեռ Աբրահամյանի ծննդավայրում՝ Մխչյանում, շուրջօրյա ջրամատակարարումն ապահովված է: