Պատգամավորներ Դավիթ Հարությունյանն ու Գագիկ Մինասյանը ներկայացրել են Ազգային ժողովի մշտական հանձնաժողովների նիստերի ժամանակացույցը հաստատելու մասին ԱԺ որաշման նախագիծը:

Հիմնական զեկուցող Գագիկ Մինասյանը նշեց, որ նախագծի նպատակն է հնարավորություն տալ այն պատգամավորներին, ովքեր ընդգրկված են մեկից ավելի հանձնաժողովների կազմում, մասնակցել հանձնաժողովների բոլոր նիստերին:

Ըստ Նախագծի`

1. մարդու իրավունքների պաշտպանության և հանրային հարցերի մշտական հանձնաժողովի հերթական նիստերը, որպես կանոն, հրավիրվելու են երկուշաբթի օրերը՝ ժամը 10-ին.

2. տարածքային կառավարման և տեղական ինքնակառավարման հարցերի մշտական հանձնաժողովի հերթական նիստերը, որպես կանոն, հրավիրվելու են երկուշաբթի օրերը՝ ժամը 12-ին.

3. գյուղատնտեսական և բնապահպանական հարցերի մշտական հանձնաժողովի հերթական նիստերը, որպես կանոն, հրավիրվելու են երկուշաբթի օրերը՝ ժամը 14-ին.

4. եվրոպական ինտեգրման հարցերի մշտական հանձնաժողովի հերթական նիստերը, որպես կանոն, հրավիրվելու են երկուշաբթի օրերը՝ ժամը 16-ին.

5. առողջապահության, մայրության և մանկության հարցերի մշտական հանձնաժողովի հերթական նիստերը, որպես կանոն, հրավիրվելու են երեքշաբթի օրերը՝ ժամը 10-ին.

6. պաշտպանության, ազգային անվտանգության և ներքին գործերի մշտական հանձնաժողովի հերթական նիստերը, որպես կանոն, հրավիրվելու են երեքշաբթի օրերը՝ ժամը 12-ին.

7. ֆինանսավարկային և բյուջետային հարցերի մշտական հանձնաժողովի հերթական նիստերը, որպես կանոն, հրավիրվելու են երեքշաբթի օրերը՝ ժամը 14-ին.

8. սոցիալական հարցերի մշտական հանձնաժողովի հերթական նիստերը, որպես կանոն, հրավիրվելու են երեքշաբթի օրերը՝ ժամը 16-ին.

9. տնտեսական հարցերի մշտական հանձնաժողովի հերթական նիստերը, որպես կանոն, հրավիրվելու են չորեքշաբթի օրերը՝ ժամը 11-ին.

10. գիտության, կրթության, մշակույթի, երիտասարդության և սպորտի հարցերի մշտական հանձնաժողովի հերթական նիստերը, որպես կանոն, հրավիրվելու են չորեքշաբթի օրերը՝ ժամը 15-ին.

11. պետական-իրավական հարցերի մշտական հանձնաժողովի հերթական նիստերը, որպես կանոն, հրավիրվելու են ուրբաթ օրերը՝ ժամը 11-ին.

12. արտաքին հարաբերությունների մշտական հանձնաժողովի հերթական նիստերը, որպես կանոն, հրավիրվելու են ուրբաթ օրերը՝ ժամը 15-ին:

ՀՅԴ խմբակցության պատգամավոր Արծվիկ Մինասյանն ասաց, որ հնարավոր է՝ ժամանակացույցը խախտվի միայն արտահերթ նիստերի ժամանակ: «Հուսով եմ՝ հանձնաժողովների նախագահները շատ արտահերթ նիստեր չեն հրավիրի»,-ասաց պատգամավորը: