Տեսանյութեր
Լուսանկարներ
Ի՞նչ ապագա ունի Սամվել Ալեքսանյանի աներձագը
Այն բանից հետո, երբ Երեւանի թիվ 1 ընտրատարածքում պատգամավոր ընտրվեց Երեւանի քաղաքապետի աներորդին, «աներձագը» մամուլում շրջանառվեց որպես քաղաքական կատեգորիա:
Ազգային ժողովում լրագրողները ԱԺ պատգամավոր Սամվել Ալեքսանյանից հետաքրքրվեցին, թե արդյոք նպատակ չունի իր աներձագին էլ առաջ տանել: Պատգամավորը նախ հաստատեց, որ ունի մեկ աներձագ, իսկ հետո նրա համար «պայծառ ապագա» կանխատեսեց.
«Աներձագս նախագահ չի դառնա, բայց մարդ ես, կարող ա մի օր էլ ինքը պատգամավոր դառնա: Այնպես որ լավ ապագա է սպասվում, քանի որ իմ երկու քաշին ա»:
Նշենք, որ աներձագի թեման Ազգային ժողովում վաղուց «մոդայիկ» է: ՀՀԿ խմբակցության պատգամավոր Գալուստ Սահակյանի աներձագը՝ Աշոտ Աղաբաբյանը (Բուռնաշ) նույնպես պատգամավոր է:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանություններ (2)
Մեկնաբանել