Բանից պարզվում է` 2013թ. բյուջեով նախատեսված է 107 մլն դրամ հատկացնել ՀՀ կառավարության աշխատակազմին, որպեսզի այդ գումարով աշխատակազմը գնահատի կառավարության գործունեությունը, կյանքի որակը և համայնքային կարիքները:

«ՉԻ»- Հասկացա՞ք: Այսինքն` հերիք չի, որ կառավարության աշխատակազմն է գնահատելու կառավարության գործունեությունը, դեռ մի բան էլ` դա գնահատելու համար հարկատուների գրպանից 107 մլն դրամ է վերցնելու: Համաձայնվեք` ավելի մեծ անհեթեթություն հնարավոր չէ պատկերացնել: 

Ուշադրություն դարձրեք` իրականում և կառավարության գործունեությունը, և կյանքի որակը կարելի է գնահատել ընդամենը մի բառով, ընդ որում` երեք տառանոց: Եվ այդ երեք տառի համար նախատեսված է 107 մլն դրամ «հոնորար», մի տառը` 35.7 մլն: Սա, անկասկած, աշխարհում երբևէ տրված ամենաբարձր հոնորարն է, և այդ առումով Հայաստանը կարող է հայտնվել Գինեսի ռեկորդների գրքում: Ափսոս միայն, որ ժողովուրդն այդ հոնորարից բաժին չունի: Դա իսկապես շատ անարդար է, որովետև նույն գնահատականը ժողովուրդը հնչեցնում է ամեն օր` անվճար հիմունքներով: