Երեկ «Հրապարակ» թերթի կայքում տեղադրվել է մի նամակ, որում իմ կողմից բազմիցս բարձրաձայնված հանցագործներից մեկը` Վլադիսլավ Մագասարյանը հայտարարում է, թե ինձ մոտ է գտնվում 3.493.516 ԱՄՆ դոլար:  Ես թողել եմ Մանգասարյանի հոդվածի ներքևում իմ  մեկնաբանությունը և վստահ եմ, որ լրատվամաջոցն իր անաչառությունը պահպանելու սկզբունքից ելնելով` կհաստատի Մանգասարյանի հսկայական ծավալի արդարացուների վերաբերյալ իմ շատ հակիրճ մեկնաբանությունը:

Ես չեմ պատրաստվում անդրադառնալ Վլադի հսկայածավալ հորինվածնքներին և Վլադ Մանգասարյանի հետ խոսելու ոչինչ չունեմ: Այս պահին ես ՀՀ-ում արդարադատություն իրականացնող բոլոր մարմիններին և զանգվածային լրատվության միջոցներին հայտում եմ հետևյալը. 

ես պատրաստ եմ ցանկացած պահի Հայաստան գալ և նորմալ մեկի, ոչ Վլադ տեսակի հետ քննարկելու եղածը: Եթե բացահայտվի, որ նա ճիշտ է, ես պատրաստ եմ կրել ֆինանսական և բարոյական ամենամեծ տույժերը: Ընդամենը տրամադրում եմ եռօրյա ժամկետ Մանգասարյանին` զանգվածային լրատվության բոլոր միջոցներին իր հայտարարության վերաբերյալ փաստեր ներկայացնելու համար: Հարգելի Մանգասարյան, ես էլ կցանկանայի իմանալ` ինչ գումար է դա ընդհանրապես, որտեղից և ինչ կերպ է ինձ փոխանցվել:

Եթե Վլադիսլավ Մանգասարյանը իսկապես փաստեր ունի, կարծում եմ եռօրյա ժամկետում կներկայացնի դրանք, եթե ոչ` ինքներդ ենթադրեք, թե ում հետ գործ ունենք: 

2007 թվականի հոկտեմբերից հետո ընկերությունը ղեկավարվել է Վլադ Մանգասարյանի և իր գործընկեր Ղևոնդ Ղալումյանի կողմից և յուրաքանչյուր սենտ նրանց հասատումով է ինձ փոխանցվել: Եսայանը առանց հաշվապահի չէր կարող ինձ գումար փոխանցել, իսկ հաշվապահությունը ենթարկվում էր միայն Ղևոնդ Ղալումյանին:

Հավատացած եղեք, որ ես կամ որևէ մեկը այս վերևների հովանավորությունը վայելող հանցագործներից ավելորդ դոլար չէր կարող ստանալ, իսկ եթե ես ստացած լինեի, ապա դատախազությունը անմիջապես ինձ բերման կենթարկեր և կոշիկներս էլ արգելանքի տակ կդներ վերջին սենտը ստանալու համար: Այս մարդը հանցագործ է, ավանտյուրիստ, խաբեբա: Նա և իր հանցագործ խումբը թալանել են ընկերությունը և իրենց գործարքներով  ՀՀ նախագահի եղբայր Լևոն Սարգսյանին դարձրել են համագործակից: Այսօր այս ամենը չի բացահայտվում, որովեհտև Լևոն Սարսգյանը թույլ չի տալիս, թերևս իրավապահ մարմիններին ամեն ինչ հայտնի է: Ես համոզված եմ որ սառույցը սկսել է կոտրվել: Լևոն Սարգսյանը, դատախազությունը, ՊԵԿ-ն ու դատավորները լուրջ անհանգստացած են իրենց հովանավորչությանբ, և սա շատ երկար չի շարունակվի, իսկ Վլադ Մանգասարյանը, ի վերջո,  պատասխանատվության առջև կկանգնի:

Սրանք Հայաստանը կեղեքող, թալանող և հուսահատության հասցնող հայերն են: 

Էդմոնդ Խուդյան
ԱՄՆ