HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Դատավորը վճիռը չհրապարակեց. Ծառուկյանի դեմ գերմանացի ներդրողի գործի քննությունը վերսկսվում է

Երևանի Կենտրոն և Նորք-Մարաշ համայնքների ընդհանուր իրավասության դատարանն այսօր պետք է  հրապարակեր գերմանացի ներդրող, «ԻստԻնվեստոր» ընկերության տնօրեն Ստեֆան Լաքսհուբերի՝ ընդդեմ «Բարգավաճ Հայաստան» կուսակցության առաջնորդ, պատգամավոր Գագիկ Ծառուկյանին պատկանող  «Արարատ» կոնյակի-գինու-օղու կոմբինատի գործով դատական ակտը:

Սակայն նիստը նախագահող դատավոր Արայիկ Մելքումյանը վճիռը չհրապարակեց: Նիստի քարտուղարը վճռի հրապարակման ժամին հայտարարեց, որ դատարանը որոշել է վերսկսել գործի քննությունը, և շուտով նիստ կնշանակվի, որի մասին կողմերը լրացուցիչ կծանուցվեն:

Հիշեցնենք, որ բաժնետերերի 2008թ. հոկտեմբերի 12-ի ընդհանուր արտահերթ ժողովը որոշել էր համախմբել (կոնսոլիդացնել) Երևանի «Արարատ կոնյակի-գինու-օղու կոմբինատ» ԲԲԸ-ի բաժնետոմսերը' դրանցից ամեն 2363.5 հատը փոխարինելով մեկ նոր բաժնետոմսով, որի անվանական արժեքը 18 908 000 ՀՀ դրամ է: Իսկ ընկերության մեկ ամբողջական բաժնետոմսի շուկայական արժեքը, որով հետ էր գնվել բաժնետերերից, սահմանվել էր 28 000 դրամ: Մինչդեռ «ԻնտԻնվեստորը» մեկ բաժնետոմսը ձեռք էր բերել 105 հազար ՀՀ դրամով: Գերմանացի ներդրող Ստեֆան Լաքսհուբերը որոշել է դատական կարգով վերականգնել իր սեփականության իրավունքը:

Մեկնաբանություններ (1)

Կարինե
դէ էդ մարդը էդ կարգովա վաստակել բոլոր միլիոնները, հիշեք վալլեքսի սեփականատերից 2 մլն գողանալու փաստը, երբ կեղծել էին պղնձում ոսկու տոկոսը ու մի ամբողջ տարի խաբելով էդքան միլիոն գրպանել, դե մարդն էլ էդ գողացած փողերից գռոշներա բաժանում ջահել ջհուլին, որ ծափերով ու ալաց ու արատսուքով են դիամվորում թագավորին, խոնարվում մինչև կոշիկները.

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter