Մեքենան արգելափակվել է Քարվաճառ-Վարդենիս ճանապարհին
Դեկտեմբերի 11-ին՝ ժամը 11.20-ին, ահազանգ է ստացվել, որ Քարվաճառ-Վարդենիս ավտոճանապարհի 47-րդ կմ-ի մոտ «ՄԱԶ» մակնիշի բեռնատար ավտոմեքենան արգելափակվել է. անհրաժեշտ է փրկարարների օգնությունը:
Ստեղծված իրավիճակը գնահատելու և հնարավոր օգնություն ցուցաբերելու նպատակով դեպքի վայր է մեկնել Վարդենիսի հրշեջ-փրկարարական ջոկատի օպերատիվ խումբը։
Ներգրավվել է ամենագնաց տեխնիկա, սակայն չի հաջողվել ավտոմեքենան դուրս բերել արգելափակումից, և ժամը 20.30-ի սահմաններում աշխատանքները դադարեցվել են:
Ավտոմեքենայի ուղևորներ Վլադիսլավ և Անդրանիկ Բադալյանները տեղափոխվել են Վարդենիսի ՀՓՋ` գիշերելու:
Ավտոմեքենայի դուրս բերման աշխատանքները կվերսկսվեն առավոտյան:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանություններ (1)
Մեկնաբանել