«Հայկական ժամանակ». Հայաստանի բնակչության ավելի քան 5 տոկոսն արտագաղթել է վերջին 3 տարում
ՀՀ միգրացիոն ծառայության երեկ հրապարակսծ պաշտոնական տեղեկատվության համաձայն, այս տարվա առաջին 11 ամիսներին Հայաստանից մեկնել է ավելի քան 2 միլիոն 53 հազար մարդ, իսկ ժամանել է մոտ 1 միլիոն 981 հազար մարդ:
Այսպիսով, մեկնողների և ժամանողների թվի տարբերությունը' բացասական սալդոն, կազմել է 71 հազար 374 մարդ:
Անցած տարվա նույն ժամանակահատվածում բացասական սալդոն կազմել է 64 հազար 917 մարդ: Փաստորեն, անցած տարվա համեմատ, մեկնածների և չվերադարձածների թվի աճը երկնիշ է' մոտ 10 տոկոս:
Հաշվի առնելով այս դինամիկան' պետք է սպասել, որ ամբողջ տարվա կտրվածքով չվերադարձածների թիվը կկազմի առնվազն 55 հազար մարդ: Անցած 3 տարվա մեկնումների և ժամանումների բացասական սալդոն համադրելով' կստանանք, որ այդ ընթացքում Հայաստանն անվերադարձ լքել է կամ, ավելի պարզ, արտագաղթել է մոտ 160 հազար մարդ, որը ՀՀ բնակչության ավելի քան 5 տոկոսն է:
Մեկնաբանություններ (1)
Մեկնաբանել