Վարչապետ Տիգրան Սարգսյանն ԱՄՆ-ում հայտարարել է, թե Հայաստանում աղքատության բարձր մակարդակի պատճառը գիտելիքների պակասն է:

«ՉԻ»- Իրականում Հայաստանի բնակչության 35 տոկոսն աղքատ է, որովհետև ազգային հարստության կեսից ավելին պատկանում է ընդամենը 30-40 ընտանիքի, ընդ որում` նրանք այդ հարստությանը տիրացել են ամենևին էլ ոչ գիտելիքների շնորհիվ:

Բայց խնդիրը դա չէ: Փաստորեն Տիգրան Սարգսյանը հրապարակավ ընդունում է, որ ասենք, Սաշիկ Սարգսյանն ավելի լուրջ գիտելիքներ ունի, քան կառավարության բոլոր անդամները` միասին վերցրած, իսկ անձամբ Տիգրան Սարգսյանը Սամվել Ալեքսանյանի համեմատ պարզապես Անգրագետ է:

Բայց մեծ հաշվով` վարչապետն իր աշխարհայացքի շրջանակներում իրավացի է, երբ հայտարարում է, թե մարդիկ աղքատ են, որովհետև հիմար են: Նրա տրամաբանությամբ` եթե հիմար չլինեին, դոշները ՀՀԿ «զնաչոկներից» մի-մի հատ կկպցնեին, ում ինչքան պետք է` կաշառք ու ատկատ կտային և «յոլա կգնային»: Ինքը հենց այդպես էլ արել է, և թու-թու-թու` աղքատ չէ:

Այլ հարց է, որ դա արդեն գիտելիքի հարց չէ, բարոյականության հարց է: Բայց վարչապետին նման մանրուքները չեն հետաքրքրում: