112 մլն դրամի փոխառության պայմանագրերը վիճարկվում են վերաքննիչ դատարանում 

ՀՀ վերաքննիչ քաղաքացիական դատարանը դեկտեմբերի 14-ին լսեց ամերիկահայ գործարար Էդմոնդ Խուդյանի ներկայացուցչի բողոքն ընդդեմ Կնետրոն և Նորք-Մարաշ վարչական շրջանների ընդհանուր իրավասության դատարանի որոշման: Սփյուռքահայ գործարարը կրկին վիճարկեց այն փոխառության պայմանագրերը, որոնցով «ՎՄԳ գրուպ»- ն իբրև թե գումար էր փոխանցել Արին կապիտալ ընկերությանը, իսկ այնուհետ դրանց փոխարեն անշարժ գույքի գրավի պայմանագիր կնքել: Այս ամենն, ի դեպ, իրականացվել է այն ժամանակաշրջանում, երբ ամերիկահայ գործարարին պատկանող «Արին կապիտալ» ընկերության տնօրեն Էդուարդ Եսայանի տնօրեն լինելու ժամկետը լրացած է եղել: 

Կենտրոնի դատարանը գործարարի փաստաբանի հայցը մերժել էր, այդ թվում նաև մերժել էր ավելի ուշ նույն հայցին ավելացված` հայցային պահանջի չափը լրցնելու վերաբերյալ դիմումը: Դատարանը իր այս որոշումը պատճառաբանել էր այն հանգամանքով, որ դատարանին գրավոր ձևով չի ներկայացվել դիմում հայցային պահանջի ավելացման վերաբերյալ, մինդեռ նույն դատական գործում փաստաբանն ավելի ուշ տեսել է այն գրությունը, որով հաստատվում է, որ ինքը ներկայացրած է եղել վերոնշյալ դիմումը: 

Ինչևէ, դատական գործն այժմ ասել է վերաքննիչ քաղաքացիական ատյան, իսկ խոսքը վերաբերում է Արին կապիտալ ներդրումային ՍՊԸ-ի տնօրեն Էդուարդ Եսայանի և «Վ.Մ.Գ. Գրուպ» ՓԲԸ-ի ներկայացուցիչ Է. Մանգասարյանի` Վլադ Մանգասարյանի որդու կողմից ստորագրված երեք պայմանագրերին: Ամերիկահայ գործարարը պահանջում է առոչինչ ճանաչել այս փոխառության պայմանագրերը և որպես հետևանք արդեն առոչինչ ճանաչել Արին կապիտալի տնօրեն Էդուարդ Եսայանի և «ՎՄԳ»-ի ներկայացուցիչ Լևոն Դանիելյանի կողմից կնքված անշարժ գույքի հաջորդող գրավի պայմանագիրը:

Նշենք, որ պայանագրերը. որոնք սփյուռքահայ գործարարը պահանջում է առոչինչ ճանաչել, վերաբերում են 2010 թվականի սեպտեմբերի 22-ին և հոկտեմբերի 1-ին կնքված 40 մլն և 72 մլն ՀՀ դրամի չափով փոխառություններին:

 Սփյուռքահայ գործարարի փաստաբանը դեռ նախորդ ատյանում միջնորդել էր գործի մասնակից «ՎՄԳ» գրուպին պարտավորեցնել դատարան ներկայացնել «Արին կապիտալ» ներդրումային ՍՊԸ-ի տնօրեն Եսայանի և «ՎՄԳ»-ի միջև կնքված 40 և 72 մլն դրամների փոխառության պայմանագրերը: Գործի քննության ընթացքում հայցվորի ներկայացուցիչ Լեռնիկ Հովհաննիսյանը ներկայացրել է նաև միջնորդություն` խնդրելով «ՎՄԳ»-ից պահանջել նշված պայմանագրերով գումարները փոխատու «ՎՄԳ»-ից Արին կապիտալին փաստացի փոխանցված լինելու հանգամանքը հավաստող հաշվապահական կամ բանկային փաստաթղթերը: Ավելին` դատարանն իր 2012 թվականի փետրվարի 2-ի որոշմամբ բավարարել է Էդմոնդ Խուդյանի ներկայացուցչի միջնորդությունը. «ՎՄԳ»-ից պահանջել է ներկայացնել փոխառության պայմանագրերով նախատեսված գումարների Արին կապիտալին փաստացի փոխանցված լինելու հանգամանքը հավաստող հաշվապահական կամ բանկային փաստաթղթերը: 

Հետաքրքիր է, որ «ՎՄԳ գրուպ» ՓԲԸ տնօրեն Է. Մանգասարյանի կողմից ՀՀ ԱՆ ԴԱՀԿ ծառայության միջոցով դատարան ներկայացված տեղեկանքով ր հայտարարությամբ հաստատվում է, որ փոխառության գումարների փոխանցված լինելու վեաբերյալ հաշվապահական կամ բանկային փասըաթղթեր չկան, ու իբր գումարային փոխանցումներ իրականացրած Վլադ Մանգասարյանը այդ ընթացքում հանդիսացել  է ոչ թե «ՎՄԳ»-ի ֆինանսական հարցերով տնօրեն, այլ ընդամենը խորհրդատու: 

Այսինքն` թեև նշված պայմանագրերն առոչինչ ճանաչելու պահանջը դատական քննության առարկա եղել է նույն գործով, սակայն տվյալ պայմանագրերի առնչության վերաբերյալ որևէ դիրքորոշում չկա վճռի եզրափակիչ մասում: 

Ամերիկահայ գործարարի փաստաբան Լեռնիկ Հովհաննիսյանը վերաքննիչ բողոքում հայտնում է, որ տվյալ դեպքում դատարանը ներկայացված երկու փոխառության պայմանագրերի առնչության վերաբերյալ որևէ եզրահանգում չի կատարել: Բացի դրանից` դատարանն իր վճռում հաստատված է համարել Էդմոնդ խուդյանի ներկայացուցիչ Էդուարդ Եսայաի լիազորությունները դադարեցված են եղել 2010 թվականի հունիսի 8-ին, իսկ որպես տնօրենի` 2010 թվականի սեպտեմբերի 7-ին, իսկ վերոհիշյալ երկու պայամանագրերը կնքվել են հենց Էդուարդ Եսայանի կողմից` դատարանի կողմից հաստատված լիազորությունների բացակայության ժամանակահատվածում:

Սա, ըստ փաստաբանի, նշանակում է, որ արդեն իսկ հաստատված փաստի ուժով տվյալ պայմանագրերը ենթակա են անվավեր ճանաչման, իսկ բացի սրանցից` առանց ընկերության տնօրենի լիազորությունների ընկերության անունից կնքված գործարքն օրենքին հակասող է և ենթակա է անվավեր Ճանաչման:

Վերոգրյալի հիման վրա սփյուռքահայ գործարարը վերաքննիչ քաղաքացիական դատարանից խնդրել է կայացնել լրացուցիչ վճիռ պայմանագրերն անվավեր ճանաչելու և անվավերության հետևանքներ կիրառելու վերաբերյալ: Դատարանն իր որոշումը կհրապարակի դեկտեմբերի 25-ին:

Սփյուռքահայ ներդրողների շահերի պաշտպանության նախաձեռնող խումբ