Մինչ Սերժ Սարգսյանը տարբեր ամբիոններից հայտարարում է, թե իրենք աղբամանն են նետել ուժի դիրքից հանրային խոսքը, նրա մերձավոր օլիգարխները մեկը մյուսի հետեւից աղբամանն են նետում իրենց նախագահի խոսքերը`դրսեւորելով լկտի պահվածք հանրային խոսքի ներկայացուցիչների` լրագրողների հանդեպ:

«Ջրաշխարհի», «Երեւանի թռչնաբուծական ֆաբրիկա»-ի, «Արաքս» թռչնաֆաբրիկայի, «Վալենսիա» համալիրի, «Ակվատեկի», «10-ից 10» հրաձգարանի, «Կլայկ», «M&Տ» կահույքի խանութների ցանցի, Սեւանի ափին գտնվող «Գեղամա» հանգստի գոտու, «Վիլլաշին» շինարարական ընկերության սեփականատեր Խաչիկ Խաչատրյանը «Ժողովուրդ» օրաթերթի երիտասարդ լրագրողուհուն անվանել է «պրաստիտուտկա»` իրեն ուղղված ոչ այնքան ցանկալի հարցին ի պատասխան:

«Դե գրիր, ազիզ ջան, գրիր, ցավդ տանեմ, ես, ընդհակառակը, ուրախ եմ, որ իմ մասին գրում են, թե չէ մարդու տեղ չեք դնում, ո՞նց կլինի ըտենց: Ազիզ ջան, դու լրագրող չես, դու պրաստիտուտկա ես, էդ էլ կարաս գրես»,- իր մեջ կուտակված հակասական զգացմունքները՝ պոռթկացել է ձվերի Խաչիկը:

Եթե «պրաստիտուտկաների» մասնագետ այս պարոնը մի պահ շփոթել է, թե ինքն ում հետ է խոսում, ապա մենք 10 օր հրապարակային ներողության սպասելուց հետո նրան կհիշեցնենք`դատարանում:

Լուսանկարը՝ slaq.am-ի