«ՉԻ» տեղեկություններով՝ Սերժ Սարգսյանի թիմում որոշել են նախատոնական օրերից հետո լրջորեն զբաղվել Քաղծառայության խորհրդով: Բանն այն է, որ այս խորհուրդը ստեղծվել է 2002 թվականին, եւ շուրջ 10 տարի է, ինչ այս խորհրդի կազմը երբեւէ չի փոխվել եւ չի «թարմացվել»: Խորհրդում մեկ-երկուսն են փոխարինվել նոր կադրերով, այն էլ այն պատճառով, որ վերջիններիս նշանակել են այլ պաշտոնի:

Հիմա Սերժ Սարգսյանի թիմում որոշել են խորհրդում էական փոփոխություններ իրականացնել, մասնավորապես թարմացնելով խորհրդի «կադրային բազան»: Այնպես որ, առաջիկա ամիսների ընթացքում այս խորհրդի որոշ բարձրաստիճան պաշտոնյաներ ստիպված կլինեն հրաժեշտ տալ իրենց պաշտոններին, որոնք զբաղեցնում են արդեն 10 տարի: