Տեսանյութեր
Լուսանկարներ
«Ժողովուրդ». Կանդայանի հետ տղամարդկային զրույց է եղել
ՀՀ ԿՏ նախարար Գագիկ Բեգլարյանն անակնկալ կերպով համաձայնեց խոսել Երևանի քաղաքապետի պաշտոնից հրաժարվելու պատճառների մասին:
«Ժողովուրդ»-ի հարցին, թե ինչ է տեղի ունեցել 2010-ի դեկտեմբերի 4-ին՝ Պլասիդո Դոմինգոյի հայտնի համերգից մեկ օր անց, Բեգլարյանը պատասխանեց. «Երկու տղամարդկանց մեջ տղամարդկային զրույց. մեկը եղել է Բեգլարյան Գագիկը, մյուսը՝ Կանդայան Արամը: Զրույցին մասնակից չի եղել ոչ ոք: Մինչև այսօր ոչ Գ. Բեգլարյանը, ոչ Արամը որևէ հայտարարություն չեն արել: Չեն եղել ոչ մի ձայնագրություն և վկայություն: Իսկ բոլոր խոսակցությունները՝ հեռուստատեսությամբ և մամուլում, նախագահի խոսնակի կողմից հերքվել են մեկ օր անց»:
Բեգլարյանը հավաստիացրեց, որ ծեծ ու առևանգում ևս չեն եղել. «Քանի որ ինֆորմացիան սխալ գնաց, մարդիկ մտածում էին, որ Կանդայանը «Մետաքս»-ի նկուղներում է, որ նրան գողացել, տարել են Հայաստանից դուրս, կամ որ նա դաժան ծեծի է ենթարկվել: Բայց այդ ընթացքում մենք նրա հետ նորմալ զրուցում էինք… Թեյ էինք խմել նույնիսկ: Իմիջիայլոց ասեմ, հաճելի, նորմալ զրուցակից է»:
Մեկնաբանություններ (1)
Մեկնաբանել