Երեկ հայտնի է դարձել, որ ՀՅԴ-ն ևս առաջիկա նախագահական ընտրություններին թեկնածու չի առաջադրի ու չի սատարելու իշխանության թեկնածուին` Սերժ Սարգսյանին:

Ի դեպ, երեկվա դրությամբ որպես նախագահի թեկնածու առաջադրման համար իրենց փաստաթղթերն են ԿԸՀ ներկայացրել էպոսագետ Վարդան Սեդրակյանը, ԱԻՄ կուսակցության նախագահ Պարույր Հայրիյանը և անկուսակցական Մհեր Հայրապետյանը:

Փետրվարի 18-ին կայանալիք նախագահական ընտրություններում առաադրումների ժամկետը, ԿԸՀ հաստատած ժամանակացույցի համաձայն, մեկնարկել է դեկտեմբերի 25-ին և կավարտվի հունվարի 4-ին:

Հունվարի 4-ից կսկսվի թեկնածուների գրանցումը, և այն կավարտվի հունվարի 14-ին: