Արման Մելիքյանը րոպեներ առաջ հայտարարեց 2013-ի փետրվարի 18-ին նախագահի ընտրությանն իր առաջադրման մասին: 

«Վերլուծելով երկրում ստեղծված ներքաղաքական իրավիճակը և հաշվի առնելով Հայաստանի առջև կանգնած արտաքին քաղաքական մարտահրավերները, որոշում եմ կայացրել 2013թ. փետրվարի 18-ին կայանալիք ՀՀ նախագահի ընտրությունում ատաջադրվել որպես ՀՀ նախագահի թեկնածու»,- նշում է Արման Մելիքյանը: 

Արման Մելիքյանը «Հետքի» հետ զրույցում ասաց, որ իր առաջադրումը վերջնական է եւ վաղվանից սկսելու են փաստաթղթերի ներկայացման գործընթացը:

«Մենք առաջիկայում մամուլի ասուլիս ենք հրավիրելու եւ բոլոր լրատվամիջոցներին ներկայացնելու ենք մեր ծրագրերը: Այդ առումով որեւէ լրատվամիջոցի նախապատվություն չենք տա»,-ասաց Արման Մելիքյանը:

Հարցին, թե Սերժ Սարգսյանին որպես այլընտրանք ինչու առաջադրված թեկնածուները չմիավորվեցին, Արման Մելիքյանը պատասխանեց. «Միավորումը անհնար էր, իսկ ես բոլոր թեկնածուներին հաջողություն եմ մաղթում»: